We d’Sunne früeh em Morge ufgeit
dr Burebueb wach wird u ufsteit
Sini Chleider aleit u i Stau geit
Sini Pflicht erfüllt bevors id Schueu geit
Sini Gwüschterti Kleider aleit
u em Vater mit dem Heue hilft
u när müedt sich is sis Bett leit
We s vo deheime vom Bure weggeit
sigs is Militär oder zumene Bur als Knecht
Wes drum geit öper kennezlerne
sini Annonce i dZytig schribt
u när sich das Meitschi us dr Ostschwyz nimmt
er für sie zBärnbiet verlat u sy hürate
We sy zäme loszieh und nach Bärn zrüggchöme
Sech ä Neubouwohnig in Hinterkappele nehme
We dä Maa sis Töffli nimmt u sini Frou drufschnauet
er Vater wird vo sim erschte Nachkomme
Vo Hinerkappele nach Ostermundige zügle mit Ross u Waage
U när si zwöit Sohn uf dWäut chunnt
Us Rosswärter bir Empfa u später Magaziner/Kurier bir Landestopographie
ä churze abstächer macht vo Ostermundige via Belp is Tscharni
Im Winter mit em Bobsledge jede Hügu abefahrt
Im Sommer vo Flugschou zu Militärdéfilé
sini grossi Liedeschaft Flüge vo Tel Aviv nach Washington DC
Mitglied vom Klub der Eintagsflieger isch er gsy
U när isch es im schlechter gange
sich Läbe isch nümme ufgange
Angscht vor Angscht het er gha
niemer het em me chönne verstah
verzwifflet und ufglöst isch er gsy
du hesch üs für immer verlah
Kobi, Jakob, mi Papi
i vermisse di
ich hätti dir so viu zäge
di i Arm znäh, dir Muet zgäh
z’säge, dass es immer Hoffnig cha gä
u jetzt bini säuber Papi
u o wird einisch mini Chinder verlah
doch weiss i, dass o we mi oder si
Vater u Muetter verlöh
So wärde mir nie vo Gott verlah
i erhäbe, my Gott für das
my himmlischer Vater, Abba
i sehne mi nach dir
i wott für immer bi dir sy
i setze mis Vertroue uf di
hiuf mir, die nie z’verlah
Kobi, Jakob, mi Papi
wird wärde üs wieder gesh
dört gits ke Chummer und ke Angscht meh
mir wäre endlich, mi liebe Papi, frei sy
free at last, free at last, praise God Almighty, we are free at last
Kobi, Jakob, Israel
mit Vater het mir sini Liebi für di ghä
das Land vo de Nachfahre vom Abraham
i bin nid mit dir verwandt u doch verbindet üs äs Liebeband
du bisch mi David, i bi di Jonathan
Vo dir chunnt der erschtgebornig Sohn
er wo üs vo aune Sünde erlöst
er wo der Erlöser für aui Mönsche isch
bi ihm giut kes Agseh vo dr Person
er führt üs aui us Aegypte is globte Land
die neui Stadt, zhimmlische Jerusalem
Jakob – ca. 1967